The Clann
The clann wis foundit
by like-mindit Scots fir ti gie a heize til the uphaudin an fordirin o
Scots cultur an
tradeetion. In shortlins we pit ower wir ettle i biggin ane o the best leevin history
bands i the kintra. Frae smaa nummers we cam ti ae group kenspecklit throu Europe fir its
professional, jonick luik ti wir shaws. Thou whiles we are richt skeelie wi the wappens,
we aye haud safety abuin aa ither ettles. Aa this we hae dun bi vizzy, dairg an muckle
pride in aa we dae.
The Clann haes, ower the years, biggit a frichtsome reputation as Scotlan's stang o the trump whan it cams til fecht groups. An forby we hae taen pairt in festivals in Scotlan, Inglan, Brittany, France, Belgium, Ukraine an Hollan.
The Clann haes monie friens ower the warld quhilk gie a haize til thir dairg ti enterteen fowk wi wir singular mixter-maxter o visual an satirical eemir, baith fir the eddication an forderance o Scotlan's paist.
The Clann's ettles hae chyngit an raxit ower
the years. We dairg nou in film, televesion, corporate enterteenment, fowk dairg and
historical festivals. We gie a heize wi technical wice, clathes, props, fechts an stunts,
forby historical vizzy.
We hae wir ain production company, an tak pairt in historical films an siclik. Forby we hae an enterteenment company quhilk wull gie it laldy, an mair, fir onie dairg ben or out.
Dae gang stravaigin ower wir wabsteid, an hae ae wee keek at wir photaes, or gin ye ettle, wir video clips shawin the wappins we yaise.
Copyright The Clann © 2001
Thanks to Dr Bill Wilson
